Hmangaihna rinawm

Satu: C Vanlalzuia 

Thangvan chung muvanlai len thiamin chhawl ban nge,

Kei erawh i zun ngaih lunglen ka bang thei lo;

Tuahtirh di lo mah la, a na lua i zun ngaih,

Luaithlinulin tlaitla ka thlir liam leh thin.

Sakhmel tawn loh kar hi, aw, a rei thin lua e,

Laitual len ka zuam lo, aw, i tel lo chuan maw;

Zaleng te'n lungdi nen hlim te'n laitual mawi e,

Kei erawh lunghnurin siang ka lawi leh thin.

Zai tin biahnem te paw'n, aw, ka hril seng lo'ng e,

Engtikah tawn leh ni lo her chhuak leh ang maw?

Sakhmel intawn loh kar biak lai chhawn rem hma zawng,

Thaikawi biahthu tal inhlan dun zel ang aw.

Karah hmelma anka pawh lo hrang vel mahse,

A chhanna lak thiamin nem ten tuar dun ila;

Lungduh loh biah zai rel ka thiam lo,

Nang paw'n e, i hmangaihna duhawm min hlan mai rawh aw.