Mahte'n lunglen

Phuahtu: C Vanlalzuia

Satu: C Vanlalzuia 

Tawn sam thlah mawite, kan vangkhua nuamah,

Chhingkhual changa riahrun i rem lai khan;

A riang thinlaiah ai ang i cham reng,

Tu dang hriat pui loh hian ka vei reng che.

Ka hrilh hman lo, ka suihlunglen biahthu,

Dan rual loh vin zamual a liam leh si;

A riang dawn lungruk a zing ri riai e,

Mahte'n lunglen hi ka tuar leh thin.

Theih zawng nise thuva len thiam tirin,

Ka thlang Zawlkhawpui vangkhua nuamah;

Ka di lenna run hlui dam diai duaiah,

A riang lunglen biahthu hrilh ka nuam e. 

I chun leh zua thinlai a rawn vang nge?

Hmangaihna chhingmit del vang em ni?

Duh te'n i tangah pawm ka nuam ngei e,

Bawihte, a rem lo maw, chun leh zua tawnah?