I chuan zel ang aw

Satu: C Vanlalzuia & Pantei

Hawiin han thlir vel la, kan Zotlang ram nuam ngaw dum dur hi,

Nungcha leng zawng te hlim tea tualchaina;

A lo duang thiam ngei e, siamtu khuanu pawh hian,

Thlir nin awm thei mawlh lo, aw, a mawi ngei e.

Aw, a mawi ngei e, kan Zotlang ram nuam,

Thlir nin awm thei nem maw, isakhmel iangin;

Hlim tea kan lenna zothlifim karah,

Bahsam leng siau siau vin i chuan zel ang aw.

Hringmi leng te ianga suihlungdum tea siam an ni,

Va tin, sa tin leh thing leh mau rua te nen;

Duat te'n i enkawl ang, kan tan a hlu a ni,

Hringnun tinuamtu te an ni a sin.

Suihlungrual zel ila, fanau maltluan chawiin runchhungah,

Kumtluang ka thaiah han chang tawh mai la;

Ka duhaisam kimna nang nen inthen lo vin,

I thai duat lai atan min tiam tawh mai rawh.

Runhmun len hma zawng sam ang inthen hi a tul leh thin,

Ngaih i zual thin e, aw, ka di duhlai;

Mahriaka zan mu chhin a har thin valmawi,

I tel lo chuanin maw, nau ang tlei a har.