Zokhaw lanu

Phuahtu: C Vanlalzuia

Satu: C Vanlalzuia 

Zokhaw lanu sakhmelmawi ka tan i mawi mang e,

Leng zawng thinlai thawi damtu;

A mi leng ten an hril, aw, i nun mawi tlawmngaihna,

Thlangtiangah sappui mi ngo leh kawr vai leng ramah,

Nang ang lanu sakhmelmawi an awm thei hian ka ring si lo;

Sakhmelmawi Zokhaw lanu.

Chul mai lo se i vanglai nun mawi, aw, kan Zoramah,

Chutin i parzu tlan ka nuam ngei, pialral tleng pawhin.

Zokhaw lanu sakhmelmawi Zoram i mawi mang e,

Hlim ni leh lungngaih ni te awm mahse;

Hnutiang reng i chhawn ve lo,

Pialleiah hian zawng mi lian, mi te pawh awm mah ila,

Nang zawngin anka nem te'n biahthu min hlan za thin,

Sakhmelmawi Zokhaw lanu.

Rualbanlo, rethei, pachhia, hnuchham te nghahfak lanu,

I anka nem thlum di diai an tan khuaizu ang a lo ni,

Sakhmelmawi Zokhaw lanu,

Nang zawngin sihlfen mawi leh thuam mawi i zawng lo va,

Riltam leh pachhia te tan thuam leh chhunrawl i pe,

Hmangaihnaa khat lanu.