4 Feb 2025

Keima ta ka ni lo

Phuahtu: Rev. B Thangchina
Satu: Standing Choir BCM Zotlang North

Keima ta ka ni lo, Lalpa,
Ka neih zawng nen i ta;
I duh angin min hmang mai la,
I tan engpawh ka huam.

Ka at leh, Lalpa, i ta ni se,
Kan fin leh i Kohhran tan bi bawk se;
Krista hmangaihna chuan min tirlui a ni,
Mi zawng zawng thih ai Krista i thi si.

I thu ang zela awm reng hi,
Ka duhsam ber a ni;
I duh angin min chawisang la,
Hniam ber pawh min chan rawh.

I hming ropui puang thei turin,
Thlarauvin min hruai la;
I duh leh min bun ruak vek la,
Lalpa, min hmang mai rawh.

Thlarau bo te man thei turin,
Engkim min neih tir la;
Thlarau bo te hruai chhuah theih nan,
Engmah nei lo pawhin.

Lawm takin, Lalpa, ka hlan che,
Engmah reng ka ui lo;
I chanchin tha puandarh mawlh hi,
Ka duhsam ber a ni.

I chanchin hril turin, Lalpa,
Nangin min awmpui la;
Khawiah pawh ka kal zel ang a,
I ta ka ni, Lalpa.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: