Phuahtu: Upa PC Lalchunglura
Satu: BCM Choir (2022 - 2025)
Isu, thinlungin ka hmangaih a che,
I khawngaihna, i lainatna ka tan a lo tawk reng si;
Channa, lungngaih, tahna ruamah,
A fiah zual thin i hmangaihna, aw, hmangaihna.
Ka kawng hruaitu atan Nang lo chu tumah dang reng,
An awm lo ve min hruaitu Lalpa;
Aw, thihna ka hnaih pawhin ka banah min kai a,
Min kalsan ngai lo.
Amah ka hnaihin ka buaina a kiang,
Ka thla muangin min chawlh tir a;
Min hruai ka kawng thim mahse,
Eng a lo lang thim a kiang a,
A lang fiah thin a hmangaihna, aw, hmangaihna.
Ka nun hlan ila, a hen zo chuang lo,
Ka hril zel dawn hmangaihna thu;
Ka tan hla mawi dang awm lo,
Sawi ka nuam e, nun ka neihna,
Ka puang zel dawn a hmangaihna, aw, hmangaihna.
Amah ka hnaihin ka buaina a kiang,
Ka thla muangin min chawlh tir a;
Min hruai ka kawng thim mahse,
Eng a lo lang thim a kiang a,
A lang fiah thin a hmangaihna, aw, hmangaihna.
0 comments: