Min hruai ve rawh

Phuahtu: Vanlalsailova

Satu: Vanlalsailova

Nun khawhar leh thinlung nguiin,

Chhun ni ka chhiar thin a;

Zantiangah nen laikhum belin,

Tlaikhua ka var fo thin,

Chun leh zua leh unau, rualduh zawng te,

Hriat loh karin luaithli ka nul fo thin;

Engtin nge, aw, eng vang nge ni le?

Tu'n nge min chhanchhuak thei ang le?

Min kal pelin puitu ka tawng si lo,

Min hruai ve rawh, min pui turin Isua hnenah.

Hlim leh lawma lenrual zawng ten,

Biakbuk an lawi lai te;

Nun chau, beidawng leh saruak hian,

Ka thlir thin mittui nen;

Khawi lam mi nge, min tanpuitu tur chu,

Lo thleng ang le tiin ka thlir thin a,

Sawmna anka reng ka tawng si lo,

Tanpuina authawm a reh zo ta,

An her siau ve, min dawn lo reng hianin,

Riakmaw iangin ka vai ruai e, pungkhawm zingah.

Min dawn pui r'u, ka chan reng hi, ka tan a na ngei e,

Hremhmun lamtluang panin ka liam mek e;

Beidawnna khur ruamah ka luh hma hian,

Min hruai ve la, min pui turin Isua hnenah,

Aw, ka ngai che, ka ngai em che, Nazaret Isu.