Ngaihlai kan bang thei lo

Phuahtu: Remlalnghaki (Hlunbuang Store)

Satu: Lalramhluni

Hmanah chuan e, chhungkim tein,

Chun leh zua tang nem belin;

Hlim te'n nau ang ka nui thin a,

Tunah erawh khaw nge an awm?

Min hmangaihtu ka chun leh zua.

Khuanu hualin ka seilian a,

Thlangkhuandimin hraileng ka awi;

Ka hlim lai leh lawm lai ni te,

Hman puitu chun leh zua awm lo,

Ngaiin ka au bang thei dawn lo.

Ka hlim lai leh lawm lai nite,

Lungngaih leh hrehawm englai pawhin;

Ngaihlai ka bang thei dawn si lo,

Min hmangaihtu chun leh zua te u,

Khawn nge in awm tak le?

Hringmi la chang ni ula chuan,

Ka tana inthawhrimna te;

Min enkawlna zawng zawng te nen,

Rulh theih che u ka va chak em,

Damlai hringnun ka hman chhung hian.

Hei chauh hi ka ngen a che u,

Thlafam ka chan ve hunah chuan;

Lungduh thlafam chang tawh te nen,

Van nuamah kan chen za theih nan,

Pa hnen min dil sak ang che u.