Raltiang kai kan rel

Satu: C Vanlalzuia

Aw, khawnge in awm tak le?

Vang khaw chhan mi hrang leng te;

In sul, in hnu zawng te kha,

Dawn changin lung ka vai.

Saw raltiang tukloh ram dai,

Laifai chawia intuanna;

Ngai ve hian ka ring thin e,

Mi hrang val te rauthla chuan.

Tunah thang leh thar zawng te'n,

Thlang sappui nun iangin;

Kan nun a dang, thiam tin te zir zelin,

Raltiang kai kan rel.

Mi hrang lengrual fam mahse,

Nun mawi par ang chul lo se;

Tuktin par ang vul zelin,

Dairial chan i phal lo'ng aw.

Lanu leng val rual zawng te,

Hmatiang hun chu thlir zelin;

Zonunmawi chhawm nung zelin,

Kan nun par a vul ngei ang.