Ringtu

Phuahtu: Benjamin Pazawna

Satu: Mizoram Synod Choir (2024 - 2026)

Ringtu min tia Lalpa in ka lawi,

Bible chhiarin tawngtaiin ka kun thin;

Mi te tanpuia a thu te hrilhin,

Fak hla saa zaiin theih tawp ka chhuah thin.

Harsatna tawk lo ringtu ka ni lo,

Mittui fara thingthia kunin;

Khawngaihna dilin Lalpa ka au thin,

Beisei tur dang ka nei lo,

Krista Lal Isua lo chu.

Ringtu min tia Lalpa rawng ka bawl,

Midang hnenah chanchin tha ka hrilh thin;

Thilpek ka hlan thin thinlunga lawmin,

Fak hla saa zaiin ka ban ka phar thin.

Dan vanga felna lo awm ni sela,

He nun rethei hianin a tlin lo vang;

Pathian khawngaihna vang chauh a lo ni,

Khawngaihtu Pathian chu fakin awm rawh se.

Khawngaihna dilin Lalpa ka au thin,

Beisei tur dang ka nei lo,

Krista Lal Isua lo chu.