Hmangaihna runthlak

Phuahtu: Lalsangliana (Taitea)

Satu: Lalsangliana (Taitea)

Hringnun mawina tifamkim turin,

Ka tawng ve hmangaih di hmeltha;

Beisei lo leh tum lawk loh hlimna,

A thlen lunglai a luah zo ngei.

Chhingmitthlaa'n a cham reng,

Tawnmang ram thlenga ka di lenmawi;

Suihlungruala damlai par chen thin kha,

Hmangaihna runthlak mai a chang zo ta.

An sawi hmangaihna hlimna par chu e,

A vul lai mawiin lang mah se;

Vul lai rei lo rinawmna tel lo chuan,

Huatna a chang zui leh mai thin.

Hmangaihna zunin min phuar a,

Dawn a sei lungmawl hi;

Nghilh ni ka nei thei lo,

A na ngei mai...

Mahse, rinawmna der vang a,

Nat nawn ka tum tawh lo;

Hunin a liampui tawh si a.

Chhingmitthlaa'n a cham reng,

Tawnmang ram thlenga ka di lenmawi;

Suihlungruala damlai par chen thin kha,

Hmangaihna runthlak mai a chang zo ta,

Hmangaihna runthlak mai a chang zo ta.