Ka beisei ram

Phuahtu: Bronson Lalfakawma

Satu: Bawngkawn Pastor Bial Zaipawl (2018 - 2020)

Ropuina ram mawi takah khian,

Ka tan in nuam tak chu a awm;

Tlansate an leng, an chawl tawh ang,

Chatuan in nuam hmun hlun tur ram,

Ngaiin ka thlir e, 

Ka kal ve thuai dawn chu ramah chuan.

Hringmi te chawlhna rangkachak laitualah,

Ka beisei ram mawi tak chu a awm;

Hmangaih kal hmasa lungduh ka then te,

Lei nun ngai lo vin an leng dial dial.

Buaina khawvel lungngaih karah,

Ka chhuahsan dawn hring tiang khawhar;

Lei ram hnuchhawnin ka kal san ang,

Ka Pa in van chung sangah khian,

Thlawkin ka leng ang,

Ka kir leh tawh lo'ng lei ramah hian.

Rinin ka thlir an lenna ram,

Hmangaih Lalpa an fak tawh a;

Kei pawh ka thleng ang chatuan atan,

Ka ngaih Lalpa'n min lo chelhin,

Min kuangkuah ang a,

Chatuana chawlin ka nung reng ang.