Hnehna tumkau

Phuahtu: WB Manner Lalremruata

Satu: F Vanlalhriatrenga, Central Division Songsters

Lalpa rawngbawltu thisena leite,

I zam lo'ng aw, i kal zel ang u;

Zalenna ni tur a thleng dawn ta e,

Hlimin i zai zawk ang, "Hosana" tia au rual zelin.

Krista aia palai ringtu zawngte,

Leiah lungngaiin rum thin mah ila;

Nakinah then lohna khawpui thlen hunin,

Hnehna tumkau chawiin fak hla kan rem tawh ang.

Thihna hlim rama sual ral do turin,

Lalpan min sawm thalai huaisen te;

Hmangaihtu aw hi i hai dawn em ni?

Hawh u, i kal thuai ang, khawngaihna ni a liam mek zel e.

Israel fa te'n Kanan an pan a,

Mei leh chhumin a hruai zel ang khan;

Hmangaihtu Isuan min hruai zel dawn si,

Thihna ka hnaih pawhin Lal Isuan min thlahthlam dawn si lo.

Thlipui lo hrangin min nuai vel mah se,

Lal sipai rual te min dal zo lo'ng;

Kan dinna lungpui chatuan kulhpui nghet,

Chatuana nghing ngai lo Lal Isuaah ka him reng dawn si.

Krista aia palai i kal zel ang u,

Lungngaih tuarin mittui luang mah se;

He mi khawvela hrehawmna zawng hi,

Ropuina lang tur nen tehkhin rual, aw, a ni mawlh si lo.