Isua ka nei

Phuahtu: Malsawmdawngzuali

Satu: Malsawmdawngzuali

Vanram kawng kan zawh lai hian,

Ringtu nun hi hrehawm tiin harsa ka ti thin;

Mahse, Nangin min hmuh tir kawng nuam zawk chu,

Chatuan nunna kawng ngei chu.

Engpawh lo thleng dawnin eng thil pawh tawk dawn ila,

Ka rin Isuan min kalsan dawn si lo;

Ka zam ngai lo'ng, ka hlau lo ang,

Thian rinawm Isua ka nei.

Beidawnna leh mualphona, chungpikna te lo thlengin,

Sualin min bei ka zam leh mai thin;

Mahse, min hmangaihtu'n hei hi min tiam,

Min thlahthlam ngai dawn si lo.

Thlamuanna mak tak mai chu Isua zarah ka nei,

Engmahin ka thleng phal lo'ng e;

Nakinah van inah kan tan hmun buatsaih chu,

Ka la thleng ve ngei dawn si.