Isuan a nghak reng che

Phuahtu: David Bawiha

Satu: BCM Luangmual Pastor Bial Zaipawl (2023 - 2025)

Lenrual zingah hlimten i nui thin a,

Mal tlatna nun a thlenin i rum leh thin;

I harsatna Isuan a hriatpui che asin,

Lungngaih mituui i bianga luang zawng nen.

Pui tur chein hmangaihna nen a nghak reng che,

I phurrit chhawk turin a inpeih reng asin;

Pan mai rawh, khua a tlai hma ngei hian,

A tlai lo ve, Isuan a nghak reng che.

Hmalam tlira nun kawng a thim changin,

Kal ngaihna reng hre lo vin i buai zo va;

Beidawng leh lungngaia tanpuitu nei lo vin,

Hlimthla iangin beisei a bo ta maw?

I liam san tawh nunhlui sual hliam hnu kha,

Kohkir leh a zawh nawn pawh i hnial lo maw?

Hnungtawlh leh mai tura'n Isuan a phal lo che,

A hmangaih che a tan i hlu ber e.

Chin fel theih loh Isuan a nei lo ve,

A hnenah chuan manganna a kiang thin a;

Damna leh thiltihtheihna kan Lal Isua hnenah chuan a awm e.