An liam zo ta

Satu: C Lalrinmawia

Kumsul lo vei hun her zel hian,

Min ngaih tir thin kan hlimlai ni;

Tap chung zela ka then hnu kha,

Tawn leh ni herchhuak tak ang maw?

Aw, kan hlimlai ni te zawng kha an liam zo ta,

Ngai mah ila kir rel lo te'n mual an liam ta.

A va mak em! Lei hringnun le,

Hmangaihte thenna khuavel;

Lenrualte u, dawn ve teh u,

Chung khuanu ruat maw lo ni?

Thlafam lusun ka then tak nen,

Hmangaih hlim lai par tlan lehin;

Pialral ram nuam fam khawpui khi,

Siang lawina run chan ka nuam e.