Ka zawng zel che

Phuahtu: Biakthansanga Sailo

Satu: C Lalrinmawia

Tinkim dawn chang ni hian, lungrun,

Nang nen suihlungruala len lai;

Sam ang then nan lah lam hla e,

Ka dawn hian lung a awi thei lo.

Chhimhlei pialah ka zawng zel che,

Mahse, tawn ni reng awm si lo;

Thinlai a na, ka tuar zo lo,

Mahte'n lunglen ka hril leh thin.

Zan khua lo ngui sumtual lo dai,

Chhaka'n mawite'n chhawrthla lo chhuak;

Min ngaih tir e, kan nunhlui zawng,

Nangnen hlimte'n kan lenlai nen.

Leitlang vangkhua a zau thlawn e,

Zaleng zawngte sial ang an ngir;

Mahse, min hnem thiam awm si lo,

Mahte'n ka vai chhingkhual runah.