Chhungkaw maicham

Phuahtu: Lalbiaknungi

Satu: The Sacred Voice Group

Tunlai thil awmzia hi han dawn chiang ve teh,

A mak mang e, chhung tinte kan chet zia hi;

Mahni nawmsakna um a kan hman hlelh zia,

Siamtu hi a lung kan tiawi angem le?

Chhungkaw tin te'n Lalpa maicham i siam ang u,

Nikhat atan hun tlemte tal i hlan ang u;

Malsawm tinrenga min vur zia hi dawn chiang la,

Hun tha kan neih lai hian amah i hnaih ang u.

Fanau rochan malsawmna min pek te leh,

In leh lo, silhfen chitin reng te nen;

Ei leh bar, hriselna min pek zawngte hi,

Dawn chiang lo vin Lalpa tan hun i nei lo maw?

Kan chhungkua kan him em ngaihtuah chiang ila,

Kan kohhran leh khawtlang a dam em le?

Chutin kan ram leh hnam lo dinchhuah theih nan,

Chhungkuain Lalpa maicham i siam ang u.