Sirah hnawl nang e

Phuahtu: R Sawithanga

Satu: Sub Headquarters YMA Zaipawl Serchhip (2024-20250

Hming mawi Y.M.A tum leh hmachhuan chu,

Tlawmngaihna leh kan hunawl te;

Ro hluah chanin nun mawi keng zelin,

Piallei karah tham ral lo turin.

Kan pi pu te rohlu chhawm zelin,

Nun dan mawi leh tlawmngaihna hian;

Kan Zoram dung leh vang hi tuam vel se,

Tham leh kutkem sirah hnawl nang e.

Kan hunawlte hman dan thiam tum zelin,

Tanpui ngai leh mi mangangte;

Ensan lo vin ai zaa luang zelin,

Kan ram tan par mawi kung a ni e.

Zofa zaleng thang leh thar zawngte hian,

Kan Zo nun mawi tlawmngaihna hi;

I chawi lian ang chung khuanu hual zelin,

Kan tan nu leh pa lo ni turin.

Kan ram Kristian nun mawi hmachhuan zelin,

Hawihhawmna nen tual leng zain;

Zoram mawi leh duhawm dung leh vangin,

Nun mawi leh hlu hian tuam vel rawh se.