I kiangah (Guru Gee phuah)

Phuahtu: Guru Gee

Satu: Guru Gee

I kiangah chuan ka tlei thin mang e, chawnban kaiin,

Zankhua hi a sei thin mang e;

I tel lo chuan ka thinlai ruk,

Tu hraichawiin nge dawn phak ang le?

An la piang dawn em ni le?

Chung lam ngenin nitin,

"Bawihte" tia nem te'n mi autu lenna tlangah,

Ka tlei ber chunnu kiangah,

I zal tur thlirin kei zawng,

I riahbuk thlan thim mawlh hi,

Ka dawn ngam lo i chan tur reng, nu,

Duhaiin i thlan tur a thuk,

I hraichawi lai kei zawng ka beidawng,

Ka sul i hnu thamral tur chu thlirin,

Ka sakruang laitha a zam zo lo,

Mi en teh, nu, ka tuar dam zo lo.

Khuangruahpui iangin ka chhingmittui far hi,

I thlan thim bawmtu pangpar mawi tak tivultu ni se;

Mi pawm sak ta che,

Min chhang ve la, i fa mal tluan chawi hi,

Ka tuar dam thei lo i thamral tur hi,

Min pui rawh u, ka nu, ka nu...

I kiangah chuan ka thla pawh a muang thin mang e,

Ka chunnunnem, khua pawh tlai se;

Khartung sawn ve leh, "Bawihte, i lo haw ta maw?"

I khum laizawl hi ka bel ngam lo ve,

Riahrun rauhsan iangin a thim,

I tel lo chuan....

Chung lam ngenin nitin,

"Bawihte" tia nem te'n mi autu lenna tlangah,

Ka tlei ber chunnu kiangah,

I zal tur thlirin kei zawng,

I riahbuk thlan thim mawlh hi,

Ka dawn ngam lo i chan tura'n, nu,

Duhaiin i thlan tur a thuk,

I hraichawi lai kei zawng ka beidawng,

Ka sul i hnu thamral tur chu thlirin,

Ka sakruang laitha a zam zo lo,

Mi en teh, nu, ka tuar dam zo lo.

Min chhang ve la, i fa mal tluan chawi hi,

Ka tuar dam thei lo, i thamral tur hi,

Min pui rawh u, ka nu, ka nu...

Ka pan lai nun ka thlir let thin nitin,

"Hraite, lo haw rawh, khua a tlai dawn ta e,"

I tih thinlai mitthlaa'n a cham reng,

Ka seilen hnu thleng paw'n ka la ngai reng.

A..a..a..a..a..a...a..a...

Chung lam ngenin nitin,

"Bawihte" tia nem te'n mi autu lenna tlangah,

Ka tlei ber chunnu kiangah,

I zal tur thlirin kei zawng,

I riahbuk thlan thim mawlh hi,

Ka dawn ngam lo i chan tura'n, nu,

Duhaiin i thlan tur a thuk,

I hraichawi lai kei zawng ka beidawng,

Ka sul i hnu thamral tur chu thlirin,

Ka sakruang laitha a zam zo lo,

Mi en teh, nu, ka tuar dam zo lo.

Ka pan lai nun ka thlir let thin nitin,

"Hraite, lo haw rawh, khua a tlai dawn ta e'

I tih thinlai mitthlaa'n a cham reng,

Ka seilen hnu thleng paw'n ka la ngai reng.