I thu nise (Nunpuia VSM phuah)

Phuahtu: Nunpuia VSM

Satu: Vanlalrohlui (Duati)

Tu hriat pui loh lungngaihnate leh,

Tu hirat pui loh ka bawhchhiatnate chuan;

Tahna ruam min zawh tira,

Ka nun hian Lalpa a ngai em che.

Ka tlawm e, Lalpa, ka vuiliam ang ka hringnun,

Ka thlang che, khawvel mawina zawng aiin;

Min hmang ve rawh, i ropui puanchhuah nan,

I thu nise, ka inpe, Lalpa, i tan.

Kei fel lo leh tawmkai lo ber hi,

Chawimawina tlangah min hruai thin a;

Phak loh ram min chuan tir thin,

Mahse, ka phatsan leh fo thin che.

Ngaihdam tlak tawh lo min ngaidamin,

Hmangaih tlak tawh lo min hmangaih si a;

Ka bawhchhiatna ngaidamtu,

Lalpa, i tan ka nun ka hlan e.

Thlarau hruaina changin i awmpuina ka dawng thin,

I aw hriain hlimin kan leng dun thin;

I angchhungah thlamuanga ka awmna zawng zawngte kha,

La kiang suh, Lalpa, ka lo kir e.