Ka Lalpa kraws

Phuahtu: Upa Lalthianghlima (L)

Thluk siamtu: Mapuia

Satu: Electric Veng Pastor Bial Zaipawl (2023 - 2025)

Lei leh van leh a chhunga thil awm zawng zawng,

Siamtu leh enkawltu Pathian chuan;

Kei mi sual leh felna reng nei lo hi,

A rawngbawl turin min ko chhuak a,

Khawngaihna rawngbawl hna ka lo chelh ta.

Ka taksa natna khirh takin a bawm a,

Lalpa remruat zel a lo ni e;

Kan thatna tura min thawhsaktu chuan,

Ka banah min kai a, min hruai zel,

Kraws kawng min zawh ve a lo ni e.

Lalpa, i tel lo chuan ka kal thiam lo,

Lalpa, kei chuan ka tlin lo a ni;

I hmangaihte tan eng nge ka tih ve ang,

Lalpa, nang chauh ka hmachhuan che,

I Thlarau Thianghlim thiltihtheihna nen.

Kohhran ho tawngtaina chhangtu Lalpa,

Ka lungpui leh humhimna i ni;

Thihna hlim kawr ruam ka zawh laiin,

Nun beidawng leh chau vin ka awm a,

Ka Lalpa min hnaihtirtu a lo ni e.

Lalpa'n a fate a thunun thin a,

Thunun loh fa tunge awm ngai le?

Nun chapo kan neih Lalpa'n a phal lo,

Tlawmnaa rawngbawl turin min duh,

Ka Lalpa kraws chauh ka chhuang tawh ang.