Ka tawrh i phal

Phuahtu:Dr. Henry Lalmawizuala, R. Lalremruata & Lalfelkima Langel

Satu: Besy Choir (1998 - 2004)

Kum tam tak i tana rawngbawla,

Vawi tam tak i ram tan tiin;

Harsatnate tuara hrehawm hmachhuanin,

Malsawmna ka beisei thin a,

Mahse, nang ka Lalpa remruat dan chu,

Lei hringmite hriatthiam rual loh,

Kan thatna tur atan i tum hlawhtlin nan,

Ka nun hian a tawrh i phal e.

Ka lawm e, Isu, ka lawm e Isu,

Kraws kawng chu nitin min zawh pui dawn tih ka hria;

I hmangaih i fate, i thununin i zilhhau thin,

Keipawh Isu, ka dam nan ka tawrh hi nangin i phal.

Aw Lalpa, i remruat fel zia hi, 

A makin ava ropui em;

Beisei loh harsatna, bawrhsawmna zawng nen,

Tuar thei turin min buatsaih a,

Lei malsawmna beisei thintu ngei chu,

Lei malsawmna chhiar thiam lo vin,

Tunah ka lo hmu ta i khawngaihna hi,

Ka tan hian a lo tawk reng si.

Damchhung nite chhiar dan min zirtir la,

Finna thinlung ka neih nan;

I ngilneihna chuanin ka nun titlai la,

Ka damchhunga ka hlim theih nan,

I remruatna mak leh ropui tak chu,

Thlarauva ka hriatfiah theih nan,

I ropuinate leh i thiltihtheihna,

Ka nunah hian langchhuak zel se.