Malin ka awm lo

Phuahtu: C Lalzarmawia

Satu: Maruati Hnamte (H Lalremruati)

Tlaikhua a lo ngui zaleng te'n run belin,

Murva iang leng a thlawkin khuatin chuanin;

Mahriak tein e, ka hawi ruai ruai a, 

Hnemtu awm lo ang hian,

Mahse, nang chu ka kiangah i awm thin.

Aw, ka nun hian, Lalpa, a thlir che,

Ka thlarau hian nang a beisei che;

Nunkhua lo harin thinlai lo hnimin,

Mal ang a awm pawhin,

Ka tan i hnai malin ka awm lo.

Ka thlarau thlawk la, i Lal lam hawi ang che,

A hmangaih hria la, a khawngaih vawng reng la;

Tisa zawng chau thin duhna pai mahse;

Hmalam pan lo ang hian,

Mahse, ka thla, i Lal duh ber fo rawh.

Hringnun dawn hianin kum hlun a lo awm lo,

A vul a rei lo, a ral leh thuai si thin;

Eng hi nge ni le kan ngaihhlut tur le?

Eng hi nge hlutawm le?

Rauthla ber hian ral ni a nei dawn lo.

Aw, mal a awm ang khuahar mahse,

Nang ka kiangah i awm thin;

Ka tan thiantha min hawisan ve ngai lo tu.