Rauthla khawvel

Phuahtu: C Lalzarmawia

Satu: FW8 Various Artistes

Thatlai ni liamin vullai ni liam a,

Mawina lo chuaiin chakna a chuai a;

Hringmi kum chhiar hi a tam ve zel a lo ni e,

Mahse, hringmi hian tawp hun thlir thiam lo,

Thatlai ni her liam hun dawn thiam lo vin,

Hringnun a hmangral, hun tha a liam zo,

A chatuan hmuna liam turin.

Hringnun chuai mekin, vullai a chuai,

Beisei erawh chatuan ni siin;

Ral leh mai tur reilote a ral mai tur;

Hei hi lo ni e, chiangtea dawn hianin,

Inbuatsaih chauh mai kan lo ni e,

Chatuan atan rauthla khawvel tan lo ni.

Unau, dawn chiang la, i vawiin ni hianin,

Hei hi a hril e, i thlarau khawvel hun,

Tuna i kawng hian i chatuan hun tur a hril e,

Isua'n a nghak che, chatuan chen pui atan,

Khawngaih hun a hawng dawhthei tak chungin,

I thlarau chhandamna a buatsaih sak a che,

A nghak reng a che, muang lo la.

Inchhir a sawt lo'ng rauhthla khawvelah,

Tunah hian inbuatsaih a finthlak ber zawk e;

I tan khua a tlaia mual a liam hma hian,

I kawng zawh lamtluang chhut chiang rawh.