Zan lungngaihthlak

Phuahtu: Lalhmangaihkima

Satu: Zoramchhani

Zan lungngaihthlak kan lo thleng leh ta e,

Kan Lal Krista huana a tawngtai zan;

Thlan thisen anga a far zan kha,

A lungngaihna hriat thiam phak rual loh a ni.

Zirtirte'n Lalpa chu men pui lo vin,

Gethsemani huanah lungngaia rumin;

Mantu sipaite chu lo hnai zelin,

Kan Lalpa chu manin an kalpui ta a.

Thihna hmachhawn turin kan Lal Isua chu,

Judate rorelna hmaah chuan dingin;

Nang leh keia chhandamna tur niin,

Zan lungngaihthlak tawrhna hmasa chu a tuar.

Kan sual tlan nan a tuar a tul si a,

Lungngaih, mangan, khawhar a tuar zo ta;

Hmuhsit, cheksawlh, diriam a tuar a,

Nun kan neih nan thihna rapthlak a pan ta.

Aw...aw...aw...aw...aw.....

"Ka Pa, he no hian min pel lul rawh se,"

Tia thlaphang aw chu;

"Mahse, keima thu ni lo vin, 

Nangma thu thu ni zawk rawh se."