Dikna

Phuahtu: Chris MS Dawngkima

Satu: Steward Lalrochama & Cindy Lalthanpuii

Dikna a fam, kawtthlerah mite an chau zo va,

Siang lawi zaa run lum thinte;

Sual avangin doral an chang zo ta,

Riltam leh tuihalte chu kawtthlerahte chuan an vak a,

Pachhiate tan humhimna kulh reng a awm si lo,

Dikna chan loh lal ram chu tahnain a khat zo ta.

Hawh teh u, i din thar leh ang u,

Dikna chuan kan ram hi fan chhuak se;

Kan chanvo hringnun ze dik,

Min dintu chung Pathian tan,

Kan rah chin apiangah diknain rorel rawh se.

Zan thim hnuaia lungngai leh beidawng au thawmte chuan,

Hmangaih chhawntu reng an dawng lo;

Dikna Lal tiang chu puan ang an hnawl ta,

Mi liante hlim nui ri chuan pachhiate tap thawm a hliah zo,

Mi fel thisen mawh chu tuin nge phur ang le?

Kraws thisean silfaiten kan thlir mai dawn em ni?

Lalpa mi huaite tho r'u, diknaa rorel turin,

Lalpa thlarau ngunhnam chu ka chakna ralthuam famkim a ni.

Kan chanvo hringnun ze dik,

Min dintu chung Pathian tan,

Kan rah chin apiangah diknain rorel rawh se,

Kan rah chin apiangah diknain rorel rawh se.