Ka fak zel ang

Phuahtu: F Lalmuanzova

Satu: Er. F Sanglura

Aw, ka nun thuruk, ka hlim leh lawmna chu Kalvari a ni,

Ka Lalpa thihna kraws ngei chu;

Tahchuan ka sualna zawngte ngaidamin silfai ka lo ni a,

Chatuan nunna chu ka lo nei ta.

Ka tlin lohnate min ngaidamtu Lalpa chu,

Lalna leh thuneihnate, chawimawinate, ropuinate chang se;

Mi sual dum ber pawh vur aia vara silfaitu a ni si,

Hmangaihtu Lalpa ka fak zel ang.

Hmangaih vanga ropuina kalsanin hringmi a lo chang hi,

Thinlungin, aw, a chhui phak lo;

Hlinglukhum khumin thlan thisen chhuakin a nun a lo hlan hi,

Min hmangaihna hi a va mak em!

He khawvelin min lo au thin mah se, ka hawikir leh tawh lo'ng,

Hmalam panin ka kal zel ang;

Ka Lalpa thisena min tlantu tan ka hunte hmang zelin,

Ka damchhung zawngin ka zui zel ang.