Toupa'n A Honpi

A phuak: T Pumkhothang

A sa: Vungthianmuang

Toupa’n hon pidan aw a thupi lua,

A hoihna in ka lampi hon pi zel;

Lamsuk lamtou ah ka pai hun om zong leh,

A khut muanhuai in kei a hon len hi.

Toupa’n a hon pidan a thupi lua,

Aman muanhuai khut in kei a hon pi;

Aw A hoihna in a hon zuizel ding a,

Ka nuntak sung hon nusia lou ding.

Ka nat hun chiang in damna hon pia a,

Lungkiak hun in Aman hon neem zel hi;

Taksap hun in zong Aman hon huh zel a,

Amah kei din Jehova Jire hi.

Toupa’n hon khotuah in a hon thei a,

Kei a dia a kilawm mun ah hon pi; 

Ka chinlouhna leh ka hatlouhna thei a,

Ka ban tang ah hon len in hon kai hi.