Chawlhna Krista

Phuahtu: Chris MS Dawngkima

Satu: Cindy Lalthanpuii

Ka nunna hi sualin a hliam,

Hmangaihtu aw a hai fo thin;

Mangan niah ka sawm che a,

Ka hlim niah ka theihnghilh che.

I kiangah lo chuan a him si lo,

He nun hi zirtir ang che;

Duhthlanna dik Krista lo chu,

Lei damchhan reng a awm lo;

Nun hahchawlhna Krista lo chu,

Lei damchhan reng a awm lo ve.

He hringnun hian par lo chhuah se,

Chhum ruah tui pai chu lo iangin;

Lei ram rote tan malsawmna,

Zing daifima beiseina eng.

Ka cham rei lo’ng he lei rama’n,

Damlai lung phun ka tan i ni;

Van nunna hlu ka chhar ve ang,

Lungawina kim Kristaah chuan.