Khawnge i awm? (North Mizoram District PYD Conference, 2025 Theme Song)

Phuahtu: Lalliankima Pachuau

Satu: North Mizoram District PYD Choir

Kan vanglai hun rei lo teah hian,

Thlarau bo leh sual hliama rum zawngte;

Chhanchhuak turin Lalpan min ko a ni,

Khawnge i awm? Tanpuitu an ngai e.

Sengkhawm thuai ang u, hun tha kan neih lai hian,

Lalpan a zawng a ram tana thawk turin;

Chatuan nunna thu hi ram tinah puang turin,

Aw unau, Lalpan a sawm a che.

Khawvel chitin, hnamtin zingah hian,

Tlanna hre lo sang tam an pung zel a;

An boral mek lairil a fan ngei e,

Chhantu an ngai an tan ni a kiam e.

Harhin tho thuai ang u, aw, thalaite u,

Chanchintha hril zelin,

Lalpa thuthlung thianghlim lo thang zel se.

Sengkhawm thuai ang u, hun tha kan neih lai hian,

Lalpan a zawng a ram tana thawk turin;

Chatuan nunna thu hi ram tinah puang turin,

Aw unau, Lalpan a sawm a che,

Khawnge i awm? Lalpan a sawm a che.