Lal fa ka ni

Phuahtu: Tintin Lalmuankima

Satu: North Mizoram District PYD Choir 2018 - 2020

Lei zan thim hi a ral hun chuan,

Luiral ram mawi ka thleng ve ang;

Aw, chutah lungduh then takte nen kan leng ang,

Lei nun reng hi kan ngai tawh lo'ng.

Van nuam hlim tawp lohna ram ka thlen hun chuan,

Khawpui mawi Lal hmel engah chuan;

Angel var rual nen Tlantu faka zaiin,

Amen! A va nuam dawn em ka ram hlun tur.

Jordan luiral min hruai kai ang,

Damna ram eng nuamah chuan;

Then lohna ram thang van Lal run nuamah chuan,

Puan var sinin kan leng tawh ang.

Lal rorel ni a hnai ta e,

Ngai teh, a lo kal thuai dawn e;

Aw, thuthlung fate kan zalen ni a hnai ta,

Lei lungngaih reng kan chhiar tawh lo'ng.

Aw Lalpa, nang kan ngai hlu che,

Nang hmangaih kan bang lo'ng Lalpa;

Chhandamna thuthlung thianghlim min pek vangin,

Lal fa kan ni, Haleluia!