Bethel Pathian

Phuahtu: Solomon V Hmar

Satu: Vaivakawn Kohhran Pavalai Zaipawl

Lung lukhama khual ram ka riah laiin,

Bethel Pathian kha ka hmu a;

Chu Pathian ngei chu ka neih chinah chuan,

Ka tan hruaitu arsi a ni.

A hmangaihte tan chauha,

A buatsaih lawmna infunkhawm;

A par chhuak nitin ka tan hian,

Lalpa chu ka nun hruaitu ropui,

Ka tiang hawl ka chakna ber,

Bethel Pathian ngei kha.

Khualzin mah ni ila kalsan ka ni lo,

Eng dinhmunah pawh lungawina;

A tul ang zel a nunna min pein,

Krista nen engkim ka ti thei.

Nun engmah lo hian engkim ka nei ta,

Van hausakna ka tawmpui si;

Sum leh pai theihna a lo ral hnuin,

A thatna, a hlutna a chiang zual.

Daikil kar a mi nun fahrah ngawih ngawih,

A ban chaknain min hruai chhuak;

Mite tan chauhva ka lo ngaih thinte,

Krista'n engkim a lo chhawn si.