Dusakna sang ber

Phuahtu: K Zoramena

Satu: Lalenkawli Pautu

Kumpuisul lam ang lo inher zelin,

Sikni eng hnuaiah samtlang par rawn vul e;

Zingtian tiauchhuam leh boruak thiang kara'n,

Kan nghah Lal pian ni lo her chhuak leh e.

Krismas lawm nan, aw, run tin cheimawi ila,

Silhpuan tharte nen hlim leh lawma kan nghah chu;

Krismasa thilpek petu lo nangin, aw,

Zingtian nau nui ri lo thang chhuak e.

Krismas chibai, a mi leng zawngte tan aw,

Kar lam hlaa leng leh lenrual duhte pawn;

Hlim leh lawma inlo hman theih nan,

Duhsakna sang ber kan hlan a che u.

Kumpuisul danah vawi khat na fam chu,

Amten hmang ang aw, he hun tawite hi;

Hlimtea lengin tlaikhua pawh var ila, aw,

Tlangin min sel hian ka ring phal lo ve.

Perhkhuang hrui rimawi leh chawmkhuang ri nen,

Sir tiang kan sawn e chhuatpui rem mam laiah;

Lengi leh vala nui ri thang vel e,

Hei ang hlim ni hi tawng leh ang i maw?