Siknipui a lo eng a

Phuahtu: Thuamtea Khawlhring

Satu: Lalenkawli Pautu, C Lalramfawni, H Lalthakima

Siknipui a lo eng a, Lal pian cham par rimtui,

A leng vel zaleng lunglawma'n;

Kei erawh ka lungduhte an liam zo ta si a,

Mahriakte'n lunglen zai ka lo sa.

Hmanah chuan lengdang iang kimtein,

Lal pian cham hlimtein kan lawm thin;

Mahse, tunah zawng e, lenrual hlui zawngte kha,

Kim ni reng a awm thei ta si lo.

A mi lengte zawng e, lungduhte nen hlimte'n,

Lal lo piang an lawm ang, nui hiauvin;

Tlai khua hial var turin hun leh ni an tiam a,

Duhsakna tinreng an inhlan e.

Khuanu leng, min hnem la, ka ngen che i khawngaihna,

Ka thinlai riang riai hi thawi dam la;

Kan tana i lo pian fak leh chawimawi turin,

Ka thinlung chhungah thu sawi ang che.