Kan hmu leh ngei dawn (Kum hlui thlahna & Kum thar lawmna hla)

Satu: Vanlalzapi

Aw, kum hlui zamual an liam zo ta,

Kum thar pangpar tlan va zai an rel;

Hringfa zaleng ten hlim zai rela'n,

Min hlang chhuak leh ta Lalpan.

Ngai teh, thil hluite an lo ral ta,

Kum thar ni ropui a herchhuak ta;

Kan kum hlui thiltih kawng ze tinrengte,

Lalpa hmaah kan hmu leh ngei dawn.

Aw, ka Chhandamtu Lalpa Isu,

Kan thinlungah lo piangthar leh la;

Kum hlui chhui tlak kan la neih theih nan,

I hmaah kan la inpuang dawn si.

Aw, mang tha ta mai le, aw kum hlui,

I hnenah Pathian ropui a awm;

Kan tih sual zawngte min ngaidamtu,

Fak tlak ka Lal leh Chhandamtu chu.