Lal Imanuela

Satu: Vanlalzapi

Siar hmingthang thim hnuaia lengte tan,

Thihna hlima cheng tan eng mawi ber chu;

Kan nau duhawm ber a lo piang a,

Fapa min pe, a hming Remruattua.

Chungtiang van mi hlim zai vawr chu zawmin,

"Chungnungberah Pathian ropui ber se;

Lei chunga a lawm mihringte hnenah,

Rem thu leng se" tiin i zai ang u.

Aw, nang Zion fanu hlimin zai la,

Nang Jerusalem fanu pawh au rawh;

Ngai rawh, i hnenah Lal a lo kal e,

Hlimin zai rawh Lal thar apiang ta e.

Aw, nang Bethlehem, nangmah atang hian maw,

Israel roreltu a lo chhuah le;

A ramin kin ni a nei dawn lo va,

A sakhmingah Lal Imanuela.

Aw, tunah hian keini awi thang pawh hian,

Va pan ve ila Bethlehem lam chu;

Lalpa thu min hrilh thleng chu en turin,

I kal chhuak ang hlim zai vawr chung zelin.