Krismas hla (Asanga Project)

Phuahtu: Zaii Hauchhum

Satu: Zaii Hauchhum & Asanga Project

Kumsul lam ang her chuan,

Thal tui ianga kan lo ngah hlim ni a rawn thlen leh ta,

Zing ni eng mawi chhuak chuan, 

Rim zawng zinga rim thiang ber chu rawn herchhuah pui e,

Hlim kan zai vawr dawn nge kawn chei kan fang dawn zawk?

Thinlai a hlim he ni lo herchhuah hian.

Lengite leh val rual an hlim ngei e,

Engdang reng an dawn lo, hlim lai par an rawn chen e,

Run in leh lamtluang a vul chuai e,

Lungruala hlim zai min vawr tirtu he ni hi Krismas hi a ni.

Hei anga hlim ni hi hringmi leng tan,

Awm leh thei ang maw? Awm hian ka ring lo;

Lung zawng a leng thin ngei, 

Nun hlui leh lungduh famte dawnin tah ruai a awl ngei e,

Mahse, hlim zai vawrin Remna Lal pianniah,

Midangte tan malsawmna nih tum zel ang aw.