Isua nen

Phuahtu: Thawhlehnaniropuia

Satu: Thawhlehnaniropuia

Lei ropuina zawng leh sum leh pai ro thil te,

Chenna in tha te nei ve lo mah ila;

Kan chenna in chu ropui lua lo mah se,

Lal Isua a chen ve chuan hmun nuam a lo chang thin.

Khawi hmun pawh Lal Isua nen chuan hmun nuam a lo chang thin,

Retheih pawhin Lal Isua nen nun hausa kan nei thin;

Engkim hi Lal Isua nen a famkim thin,

Engkim hi Lal Isua nen a famkim thin.

Damlo damna run bel laikhum a zal tan pawn,

Lalpa thatna chuanin chuai ni a nei chuang lo;

Hringfa te min vengin min enkawl reng thin,

Lalpa venna hnuaiah chuan kan dam, kan him tlang e.

He leia mi sual ber tawmkai lo a inngai,

Nun hlui sual avanga belh tur nei lo tan pawh;

Lal Isua a hnai reng mi sual ber tan pawh,

Chu ngei chu a ni hringnun ti par vul tu chu.