Lo kal rawh Lal Immanuel

Satu: Zaia Faktute: Durtlang

A mutna chu Bethlehem ranthleng a lo ni,

A pianna chu a chun riang Mari lo niin;

Min tlan tura lei leh van Lal fa lo piang chu,

Tlawm mahse, a hming Rem Lal Pathian chaka.

Van arsi eng takin a mutna a rawn chhun,

Van mi thianghlimte chuan a hma an chawimawi a;

Berampu leh mi fingte chuan amah lawmin,

Nausen piang chu Lal angin chibai an buk.

A mutnaah Pathian eng a lo zam vel a,

A chenna run chu van rimtui a lo khat a;

An engah chuan Pathian maicham a rawn inhung,

Lei leh van chatuan remna thuthlung min hlan.

Aw Pathianin mi khawngaihna kan lo hriatin,

Tihtak zetin chibai kan rawn buk ve a che;

Kan neihchhuan kan thinlung robawmte kan rawn hawng,

Remna Lal chatuanin nang ngei lo cheng rawh.