Chhandamtu a piangta

Satu: Vanlalzapi

Vanhnuai hringfa zaleng zawng tan,

Sikni eng mawi thiang tak karah;

An sawi Bethlehem bawng inah,

Chhandamtu a piang ta.

A hming ropui leh fak thlak chu,

Thihna hnehtu a nih vangin,

Ringtu zawng hian i fak zel ang,

Khawvel thim en turin.

Lal dang zawng aia tlawm zawk leh,

Chawitu chun riang tang nem belin;

Lei lal ten dovin hnawl mahse,

Ka chatuan Lal a ni.

I fak ang u kan Tlantu chu,

Chatuan nunna min neih tirtu;

Thinlung a lamah hawn ila,

Eng dang reng a ngai lo.