Malsawmna chhiardan

Phuahtu: Israel

Satu: Rinhlui Tlumang & Rinawma

Lalpa, i malsawmna chhiar dan ka lo thiam lo,

Mihring ngaiha vanduaina a lo thlenin;

Malsawmna dawng lo leh vanduai emaw tiin,

Nangmahah lawmna tur reng ka ka hmu si lo.

Lungngaihna, beidawnna, harsatna karah pawh,

An nun Krista thuhruka awmte chuan;

Tuarnaah pawh hlimna thuruk chu an nei si,

Lawm chungin Lalpa rawng chauh an bawl tawh thin.

Lalpa, i malsawmna chhiar dan ka lo thiam ta,

Mihring ngaiha vanneihna mai ni lo vin,

I ram leh i felna hmutu ka lo nih hi,

Ka mamawh tinreng tah chuan a kim si a.

Lalpa malsawm ramah vanduai a awm tawh lo'ng,

Kan thatna turin engkim min thawh sak si;

Damchhung ka tawn tur ten min tibuai tawh lo vang,

Engkima engkim Isua ka nei tawh si.