Ka nghakhlel e

Phuahtu: Rev. Vanlalsipaia

Satu: College Veng PYD Zaipawl 2025, Lunglei

Ka chenna lei in hi a ral hunah chuan,

Ropuina thuam fakim sinin ka la leng ang;

Anchhia reng reng awm lohna hmun hlun khawpuiah chuan,

Lungduh kaltate nen Beramno hliam hnu chu,

Fakin kan zai tawh ang.

Ka hringnun khua a har zual chang nite hian,

Rinna thlazarin aw ka hrut vel ruai thin a;

Ram thianghlim dung leh vang ka Chhandamtu tuallenna,

Jerusalem leh Kalvari mualpuite chuan,

Ka Lal min ngaih zual tir.

Ka nghakhlel e chu hun ropui lo thlen hun tur,

Aw, lo eng tawh mai rawh zalenna ni;

Riangvaite leh lungngai fate tana lawmna,

Chhandamtu vanga riang zawng zawngte nen,

Kan ropuina ni tur chu.

Hmangaihna avanga fam chang hnu a kha,

Thihna hnehin ropuiin a tho leh ta a;

Hmangaihna chhimbal zam vel khawpui thianghlimah chuan,

Ngai teh, nang leh keia tan lalthutthlengah chuan,

Rorelin a thu tha.

Ka rumna thlaler ram rova ka len lai hian,

Hmuhsitna leh sawichhiatna ten min bawm velin;

Tihduh, hrehawm tinrengte tuar mah ilangin,

Ka lungngaih mittui zawng zawng a hul tawh ang a,

Beramno kianga chuan.