Ngai ru

Phuahtu: Rawngbawlliana

SatuL EllenBethi

Zan dai khawthiang karah siar eng mawi,

Van dum pawl leh chhawrthla eng hnuaiah;

Beramputen zan ven an tul laiin,

Van angel thawm ri a thang vel e.

Ngai r'u, kan tan Chanchin Tha lawmawm ber,

Ngai r'u, a lo piang Chhandamtu;

Ngai r'u, Bethlehem ranthlengah zalin,

Kan tan Lal ber thar a lo piang ta.

Khawchhak lamah mi fingte'n robawm nen,

Lal pian siar ropui chu zuiin;

An neih rothilte kengin Lal hmaah,

Kunin Lal thar chibai an buk a.

Keini pawn kan thinlung robawm hawngin,

Lal thar chibai kan buk dawn lo'm ni?

A fakna hla mawi ropui chu sain,

Lal thar lo piang chu i chawimawi ang.