Lawmman rohlu

Phuahtu: Chaneihzawna

Thluk siamtu: Ruati Liankhum

Satu: Ruati Liankhum

Thiam loh chang tawh hnu, tho tawh ngai lo tur chu,

Chatuana boral tur chhandam ngai ka lo ni;

Engtin nge maw ka kal tak ang khawvelah hian?

Kalna tur dang a awm lo, ka hma a thim mang e.

Lawmman ropui chatuan rohlu ka lo nei reng si,

A mak mang e ka hril thiam thei lo rohlu chu;

Rohlu min chantirtu Lal Krista chu,

Chatuanin, chatuan thlengin ka fak tawh zawk ang.

Ka thinlung ngaihtuahna atang chuan a chiang lo,

I thlarau thianghlima min chin ral vek hnu chuan;

A chiang tawh Lalpa, nang chauh ka fak ang che,

He lei hrehawm lungngaih changte awm thin mahse.

Kei saruak, mitdel, tawmkailo ber pawh hi,

Hei hi ka hria tunah ka hmu thei ta tiin,

Tudang nge maw ka fak ang he khawvelah,

Chatuan rohlu min petu Lal Krista lo chu.

Lalpa, ka tawngtaina i hnenah rawn thleng se,

Ka theihtawk thilpek rawngbawlna pawh lo thleng se;

Ka fakna hla pawh i hnen rawn thleng ngei se,

Chatuanin i hnenah chatuanin ka chawl tawh ang.