An pan zel e

Phuahtu: B Sangmawia

Satu: TBZ Choir

Khawvel ropuina leh mawinate,

Kalsanin kan unau duhtakten;

Lalpa kohna chu chhangin ram thim, ram rehah,

An kal chhuak ta, aw, Haleluia,

Mittui nen buh chi an feh chhuah pui,

Mah se, kir zai reng an rel si lo;

Hrehawmna leh manganna lo thleng mah sela,

Chhel leh huai takin an kal zel e.

Rinnain hmalam an pan zel e,

Retheih leh manganna karah pawh;

An Lalpa thupek zawmin nunna thu la hre lote hnenah,

Hmangaihna chanchintha chu huai takin an hril zel,

Chawl lovin hmalam an pan zel e.

Khawvel miten hmusit thin mah se,

Tihduhdah, hrehawmna karah pawh;

An Lalpa thupek zawmin rinna chu vawngin,

Midangte tan an nun an hlan ta,

Leiah hian retheiin awm mah se,

Chawlhna ram nuam chu an thlen hun chuan,

Felna lallukhum khumin an eng reng ang a,

Hlim takin Chhandamtu kiangah chuan.

Aw, chatuan khua a lo var hunah,

Hmangaih vanga rawng an bawl sak thin;

Chhandamtu Lalpa nen chuan hlim takin an intawk leh ang a,

Thlarau bo Lalpa hnena an hruaite zawng zawng nen,

Chatuanin hlimin an leng za ang.