Hniam takin rah chhuah rawh

Phuahtu: J Lalmalsawma

Satu: KTP Kawnpui Branch

Nang ringtu, i pianna ramah kir rawh,

Mihring felna danin i tlan rei ta;

Mahni tana inchhekkhawl mai lovin,

I pianna kraws-ah lo kir leh rawh.

I rahte hniam takin kur tir rawh,

Chaute leh chak lote ei phakin;

Sang taka i rah chuanin kal kanin i awm zel ang,

Mamawhtu ei phakin hniam takin rah chhuah rawh.

Mihring hlui hi chinral a ngai fo thin,

Nangmaha thiah ngaite chu thiat zel la;

Thiahsawma awm loh chuan i ei tlak loh,

Ei in tha niturin kehsawm rawh.

Sanna leh chapo silhfen bel a,

Mahni hlawk tura rawngbawltu chuan;

Hmangaihtu Krista hmel a hliah fo thin,

Vuinain hringnun an chhiar liam thin.

Engkimah fimkhur a hrehawm tuarin,

Tlawmna puan sin chungin ka lo kir e;

Min siamthar leh rawh aw, ka Lal Isu,

Midang tan malsawmna ni turin.