I hlu ber

Phuahtu: Chhantea

Satu: Chhantea

Mite'n ka nun an han chhiar a,

Tehna tin, bukna tinreng nen;

Mah se, tlinna reng reng nei lo hi,

Hlobet iangin ka vuai leh thin.

Mah se, hei hi ka hria, 

Ka Lalpa'n min thlahthlam ngai lo'ng;

Tahna ruam ka zawh lai pawhin,

Ka tan a hnai reng thin,

Ka neih zawng zawng ai pawhin,

Lalpa, ka tan i hlu ber.

I rawngbawl tur hian, aw Lalpa,

Ka theihnate tlem hle mah se;

Ka tana krawsa thia kha,

Ka rinchhan, ka chakna a lo ni.

Nakinah i hnen kan thlen hun chuan,

A awm tawh lo'ng kan tah mittui;

Leia kan tawrna zawngte hi,

A la chang ang kan lawmnaah.