Thinlung tlawm fakna

Phuahtu: Zorema Khiangte

Satu: Zorema Khiangte

Ka thiam leh theihna rinchhana,

I rawngbawl ve ka tum changte hian;

I tel lova eng mah lo ka nih ka hriat nan,

Min thiat fova ka lo mualpho leh thin

Nang fakna tur hian a tha ber i phu si,

Hlan ve che ka chak a, a mawi ber i tan;

Mah se, i tana tling zo hlan tur che ka nei lo,

Thinlung tlawm fakna ka hlan che.

Ka tlawm thin, ka tlawm nawn leh thin,

I tel lo chuan engmah lo ka ni;

Ka duh ber chu i tan thil engkim hlan che hi,

Mah se, ka theih tawk hi a van tlem em.

An thiam thil mawiin an fak che,

Ka thiam leh theihna ka han tlir hian;

Nang fak nan hian ka theih tawk hi tlem hle mah se,

Keimaha engkim hi ka hlan a che.