Keh sawm hnu

Phuahtu: Lalnunpuia Hrahsel

Satu: Lalthlanawma

Ka nun keh sawm tawh hnu kha,

Min chhar khawm a, i din thar leh duh a;

Ka mualpho tawhna thil ngei pawh chu,

I ropui tarlan nan i hmang iai si lo.

Keh sawm hnu min din thar leh a,

Dinhmun thar Kraws-ah min pe a;

Ka thlah phal lo che, ka thlah thei lo che,

Ka tan chuan e, 'Engkim' i ni.

Beidawn chang lo thlen pawhin,

Ka lakah i beidawng ve ngai si lo;

Buaipuitu vana ka fan laiin,

"Ka fa" tiin min chelh nawn leh thin a.

Lei danah vanduainate'n,

Min tina nawn fo thin mah se langin;

Vanduai ka inti phal tawh mawlh lo,

Ka vanduaina hian van min hmuh tir si a.